قصائد مكتوبه

ياجر قلبـي جـر لـدن الغصونـي
وغصون سدر جرها السيل جرا
وأهله من أول بالـورق يورقونـي
على غدير تحتـه المـا يقـرا
على الـذي مشيـه تخـط بهونـي
والعصر من بين الفريقين مرا
لا والله اللي بالهـوى هوجرونـي
هجر بها الحيلات عيت تسـرا
لامبـعـد عنـهـم ولاقربـونـي
ولاعايف منهم ولانـي مـورا
وأكثر عذاب القلب يـوم سنحونـي
بيح بصبري لو بغيـت اتـدرا
لاضاق صدري قمت اباري الضعوني
كني غريب بالدلوهـة مضـرا
وقلبي عليه اشفق وتبكي عيونـي
والحال من ود الحبيـب تبـرا
ياعزتا لي مـن تفـرق شطونـي
يعزا لي ارمي بالسلب واتعـرا
ان مت فـي خـد بعيـد انقلونـي
على هدي الزمل مشيـه تـدرا
ان مت في دافي حشـاه ادفنونـي
في مستكن الروح ماهوب بـرا
بين النهـود وقـدّ روس القرونـي
عن الهبايـب مستكـن مـذرا
ياليتهـم بالحـب مـا ولعـونـي
كان ابعدوا عني بخير وشـرا
ولا انهـم يـوم انهـم قربـونـي
خلوني اقضي حاجتي واتـدرا
وياليتهم في الـدرب ماواجهونـي
وياليتهم مازادوا الحـر حـرا
وياليتهم عـن حاجتـي سايلونـي
يون اني اقعد عندهم واتحـرا
الخد بـرق فـي علـو المزونـي
تقول براق من الصيـف سـرا
وقفـت عنـده شابحـات عيونـي
كني غريـر باللهاوي مضـرا
----------------------------------------------------------------------------------------------------------------------------------
قالوا عــلامك باكي قـــلت iiمطعون
شـوفـو نزيف الـدم مني تتالا
قالوا من اللي صوبك قالت عافـون
قـالوعــدوك قالت يانـاس iiلالا
هذا الحبيب الي له القلب مرهـون
هـذا حياة الروح بدر iiالكمالا
يا عـــاذلين القلب لا لا تــعذلـون
وحــياة رب فـوق عـرشه تعالا
اني فـــلا انسى واحــد فيه مفتون
بيني وبينه نازح البعد حـالا
فتـــان صاب القلب كـون بثر iiكون
مملوح اخذ كل البها iiوالجمالا
كنه الى حــرك قـوامه على الهون
غصــن الى هب الهوا فيه iiمالا
قـــلبي لقلبه لو تنحيت iiمرهــون
غـــيره حرام ونور عيني حلالا
-----------------------------------------------------------------------------------------------------------------------------لا
ردك الله لا ولا اطلب تردين
ادعي عليك بعثرة فـي iiصلاتـي
عثره تشلك ما بعدها iiتقوميـن
يا قاتلتني يوم صرتي iiحياتــي
خدان لك بالقلب كانت بساتين
وريضان وغصونا بها يانعاتـي
كنتي مناة القلب والروح iiوالعين
واليوم عينك يعلها ما iiتباتـــي
كنت أحسبك للعهد والحب توفين
قلتي الغدر بالحب ماهي بسواتي
وحلفتي يمين الله ما منك iiاثنتين
وانك ملاك دون كل iiالبناتـــي
وانك على عهد المودة تسيرين
ولا تسمعين أهل الحسد iiوالوشاتي
وصار اليمين ستار خلفه توارين
ورماح غدرك بالخفا مشرعاتـي
وبان الغدر سم جرى بالشرايين
الله عسى يسقيك سم الفعاتـــي
كلي سقيتك حب واليوم iiتنسيـن
تقولين حلم ايام واليوم iiفاتـــي
خذتي الهوى لعبه على ما iiتحبين
لين عصفت بالهوى عاصفاتـي
من زينك يا بنت بالشعر تزيين
من صورك بابياته iiالطايلاتــي
انا من غرامي قلت كانك تذكرين
قلت الخجل صاب البدر من مناتي
وصرتي بشعري في العذاري iiتباهين
تقولين انا شمس العصر في حلاتي
زينتك بشعري ولا غربك الزين
ما زانتك صبغات حمر iiالشفاتــي
صورتك بالشعر حزام iiورياحين
واثرك هضاب وشوك ما به هداتي
رسمتك سحابه خير قطر تنفين
فزت لك الصحراء زهور ونباتـي
رسمتك مهاه للجميله تقودين
واثرك قطيعه وضيعتها الرعاتي
واثرك غراب يوم سدل الجناحين
كنت احسب اني شايف لي قطاتي
بالشعر غليتك على كل غاليين
واثرك دنيه وتعشقين iiالدناتــي
وبالشعر عاتبتك عتاب iiالمحبين
انا من يسوم الروح لك يا غناتي
توسلت لك خايف على حب عامين
عامين لكن في حسابي iiمئاتــي
ناديت لكن لي ابد ما iiتسمعين
عمري وروحي فكري في iiثباتي
حذراك للشينات عمري تماشين
عديمات اصل اخلاقهن iiدانياتي
غاب الولي عنهن ولعبن iiبحبلين
يا خس واليهن وخس الولاتي
ما همهن في الناس زين ولا شين
وقلوبهن من حقدهن مظلماتي
وقلتي وربك لو يكونا iiملايين
ما غيرن بالطباعهن من سماتي
تحسبين انك بالمهافه ترقين
كيف الصعود يكون iiللهاوياتي
وخنتي وبعتي كل عهد وايامين
ما عاد يفرق بين ماضي iiواتي
وصرتي مثل غيرك برخص تبيعين
يا مرخصتني ما بقى لك iiغلاتي
صبري نفذ واليوم ثارت براكين
مظلوم انا وباكر تحل iiادعواتي
سمعي عسى من بعدها ما iiتسمعين
سمعي دعا من صار قلبه حصاتي
ادعي عسى من ناضرك ما تشوفين
وتطحن بك الايام طحن الرحاتي
وعساك عوق منه ما عاد iiتبرين
عوق تشافق له قلوب العداتي
ويالله عسى يحتار فيك iiالمداوين
تبين الممات ولا يجيك المماتي
ويالله عسى كف الندامه iiتعضين
تندمين يوم انه يفوت الفواتي
وتبكين دم يسيل من مقلة العين
وتحتار امك عن عناك iiوتحاتي
عسى ما تلاقي من له القلب iiتهدين
وان هو حصل ادعي عساك iiالشتاتي
يا بلوة اللي وسط بيته iiتعيشين
ساهي وحوله شب جمر الغضاتي
عسى بعمرك ساعه ما iiتهنين
وتمضي حياتك بين هم وشقاتي
يا بنت قلبي وين مثله تلاقين
قلبا عطاك الحب ما قال هاتي
جيتك وروحي شلتها لك iiبكفين
وفي التاليه رمح الخيانه iiجزاتي
يالله عساك النار يا أم وجهين
كله انكشف لا ما تفيد العباتي
ويالله عسى تلبسك جن iiوشياطين
وتكونين مدعاة الحكي iiوالشماتي
يا حية رقطا تقود الثعابين
باكر تحن ايامك iiالمعتماتي
وباكر على فعلك بمثله تجازين
ظلم المشاعر ما تحكمه iiقضاتي
بيني وبينك تحكم ايام iiوسنين
وانا شاهدي قلبا من الغدر iiماتي
ويا دمعة التمساح لالا تذرفين
العيون رغم ادموعها iiكاذباتي
لا ما عرفتي الحب لا ما تحسين
وغدرك تعدى غدر ذيب iiالفلاتي
الذيب يعوي قبل يغدر بمسكين
وانتي غدرتي خافقي في سباتي
لو كان غدرك في كفوف iiالموازين
لكان رجح كل غدر البناتي
انتي السبب سقتي على القلب جرحين
غدر الغرام وموجع الذكرياتي
وانتي السبب واليوم لالا iiتلومين
وان جاك باكر شوفي اشلون يأتي
والله لاكتب وافضحك في دواوين
وارقص واغني يوم خبر الوفاتي
وارسم لاهل العشق قلبا وسهمين
وقصة خيانه ما روتها الرواتي
ويمين لانشر فوق اسمك iiعناوين
واشهرك من قاصي اليمن iiللفراتي
ومن غرب هالدنيا الى قاصي iiالصين
ديوان غدر فيه كل اللغاتي
والبادي اظلم سنة العين بالعين
والا فذي لا عادتي ولا صفاتي
ويا شبه انسانه برأس iiورجلين
اعوذ بالرحمن منك iiبصلاتي