أصحى ياعـم وفوق أنت وهـوه وهيـة ..!
دي أغلى من كل كنوز الدنيـا نقطـة الميـة ..!
نقطة نقطة حنفيـة سايبة وتملي منسيـة ..!
ما تصلـّـح الحنفيـة واحجز مكانك في الجنـة ..!
وأنت ِ يا رشـا وأنت يا حمادة متلعبوش بالميـة ..!
ويا عـم أدريس خرطوم في أيدك يبغرق الأرضيـة ..!
والواد سماحـة في الجراج بيغسل كل يوم عربيـة ..!
والبـت وداد بتغسـل مواعينهـا في الصُبحيـة ..!
وعمـاد صاحـب الحانطـور بيحَمْيّ حصانـه بحنيـة ..!
وحيوان ميـت وأرمـي على طول في الترعـة ..!
ومخلفات مصانـع بتصرف في النيل بكل أذيـة ..!
ده نيلنـا هـديــة المولى معيشنا عيشه هنيـة ..!
سنيـن وسنين بيروينــا وأيـده دايمـًا سخيـة ..!
مـن غيـره تنشـف أرضينـا وتقـل النقديـة ..!
لازم نحوّط عليـه ونرقيـه مـن عيــن الحسودية ..!
ده نصيـب بلدنـا بيقـل والعين علينا من كل زاويـة ..!
شياطيـن في صورة بني آدميـن يتمنوا الشر في ثانية ..!
سوداني وصومالي وباقـي الشياطيـن المستخبيـة ..!
شوفوا عـم مصطفى وهـو بيتوضا في الفجريـة ..!
مخلـّي بالـه وبيوفـر نقطة ميـة لأيامنـا الجاية..!
موضوع: نقطة ميه 
الأربعاء أبريل 06, 2011 9:02 pm
