أتعذر بالتعب وانثر دموعي
مادرو وشهي دوافعها الخفيه
دمعةٍ عيت تمثلي بطوعي
جرحت عيني واحفت لي الثنيه
ماحدٍ منهم تنبه في وجوعي
وماشكيت الحال واوضاعي زريه
ياهناهم بالفرح سوو جموعي
مادرو هالروح قفت للمنيه
كن انفاسي تهشم في ضلوعي
لاحدٍ داري ولامن حس بيه
انطفى مع فجرهم اخر شموعي
بالأمل عاشو وبكره ماهو ليه
كل مشكي طول صبري وحر لوعي
قالو الفرصه اكيده يا بنيه
الصبر نعمه ولا تغدي جزوعي
باكر وبعده وايامك نديه
غصب عني اعلن لباكر خضوعي
في جدلهم ما بقالي مقدريه
ياعسى الأيام باكر ما تروعي
وياعساها في كدرهم مي سخيه
ولا انا بقفي بضما قلبي وجوعي
فيك يادنيا الشقى مالي شهيه
موضوع: ما حلاها قصيدتي 
الثلاثاء مايو 24, 2011 2:50 pm
