بيف برجر طريقته

السلام عليكم....اهلا يا احلى بنات وشباب...بتعلم منكوا كتير
وهاحاول انزل شويه حاجات تباعا جربتها وكانت هايله منها البيف برجر

مكوناته غريبه بس نتيجته هايله جدا ومن اول ماقريت مكوناته حسيت ان هو ده البرجر وياجماله ياجماله على الشيف حسن
وبقى السندوتش الرسمى ليا وانا رايحه النادى ببنتى

المقادير:
750 جرام لحمه مفرومه ملبسه
10 جرام بقونس مفروم
10جرام زعتر مفروم-او جاف
عصير ليمون
بشر ليمون
5 جرام فلفل اسود
25 جرام دقيق
1 عدد عيش بورجر
1 عدد طماطم slices
الطريقه:

نخلط كل المكونات فى الكبه معدا العيش طبعا والطماطم
نعمل قرص البرجر ..وانا عنى فكره اخدتها من شيف ان نستغل علبه الجبنه النيستون ونغلفها بورق فويل ونعمل فيها قرص البرجر
نشويه فى طاسه غير لاصقة

نيجى بقى للى انا شايفه انه برده مهم وهو اعدا السندوتش
عشان يبقى بطعم بره خالص اهتموا بالآتى:
1-عيش يكون ريتش بيك عيش البرجر لانه ناعم وطعمه هايل بيفرق
2-ندهن العيش بخليط متساوى تقريبا من المايونيز والكاتشاب
3-شويه خيار مخلل مفرومين نحطهم فى السندوتش
4-الجبنه الشيدر
5-الطماطم والخس البلدى او الكابوتشا والبصل الاختيارى وقطعة البرجر طبعا

وبالهنا والشفا

تسلمى على التوبيك

توبيك فوق الفظيع ميرسى

الله جميلة جدا انتى الطبخاها دى ؟

يسلمو الايادي

ويعطيكم الف الف عافية

تقبلو مروري المتواضع